કમિશનરશ્રી યુવક સેવા અને સાંસ્કૃતિક પ્રવૃતિઓ, ગાંધીનગરના ઉપક્રમે તથા જિલ્લા યુવા અને સાંસ્કૃતિક પ્રવૃતિઓ, અમરેલી દ્વારા સાવરકુંડલા તાલુકા યુવક મંડળ સંચાલિત ‘કલા મહાકુંભ’નું ભવ્ય આયોજન તા. ૧૧-૧૦-૨૦૨૬ના રોજ કે.કે. હાઈસ્કૂલ, સાવરકુંડલા ખાતે કરવામાં આવ્યું હતું.
આ મહાકુંભમાં તાલુકા તથા ગ્રામ્ય વિસ્તારની પ્રાથમિક શાળાથી માંડીને કોલેજ સુધીના ૪૦૦ જેટલા વિદ્યાર્થી ભાઈ-બહેનોએ ઉત્સાહભેર ભાગ લીધો હતો. સાહિત્ય, સંગીત અને કલા ક્ષેત્રની કુલ ૧૬ જેટલી સ્પર્ધાઓ યોજાઈ હતી, જેમાં ૪૨ નિર્ણાયકોએ જજ તરીકે સેવા આપી હતી. તમામ સ્પર્ધકો, નિર્ણાયકો અને મહેમાનો માટે ભોજન વ્યવસ્થા પણ કરવામાં આવી હતી.
સમગ્ર કાર્યક્રમનું સફળ સંચાલન અને વ્યવસ્થા તાલુકા યુવક મંડળના પ્રમુખ દેવચંદભાઈ સાવલિયા તથા મંડળના સભ્યો દ્વારા કરવામાં આવ્યું હતું. આ કાર્યક્રમને સફળ બનાવવા માટે દેવચંદભાઈ સાવલિયા, અરવિંદભાઈ રીબડીયા, રવિભાઈ ચૌહાણ, ભરતભાઈ કોઠારી, નીતિનભાઈ નડિયાદરા, જનકભાઈ સુહાગિયા, રમેશભાઈ રવિયા, આકાશભાઈ પંડ્યા, અશોકભાઈ અગ્રાવત તેમજ અમરેલી જિલ્લા યુવા વિકાસ અધિકારી કચેરીના હરેશભાઈ મેટલીયાએ વિશેષ યોગદાન આપ્યું હતું, તેમ તાલુકા કન્વીનર ધર્મશંકરભાઈ ભટ્ટની યાદીમાં જણાવાયું છે.
